Ұлттық «Зерде» балалардың зерттеу жұмыстары

2022 жылдың 3-4 ақпан аралығында «Астана дарыны» дарындылықты дамыту және сүйемелдеу орталығы оқушылардың интеллектуалдық –шығармашылық деңгейін көтеру, зерттеушілік қабілеттерін дамыту , балалардың фундаменталды және қолданбалы ғылымға қызығушылығын арттыру мақсатында 2-7 сынып оқушыларына арналған Ұлттық «Зерде» балалардың зерттеу жұмыстары мен шығармашылық жобалар конкурсын өткізген болатын. Мектепішілік кезеңнен 12 оқушы оза шауып, 5 оқушы қалалық кезеңге жолдама алды. Нәтижесінде 4 оқушымыз жүлделі орындарға ие болды. Исаева Қаракөз Жарқыновнаның жетекшілігімен 7-сынып оқушысы Абдрашева Назерке «робототехника» секциясы бойынша «Физикалық құралдар» тақырыбында өз жобасын қорған, ІІІ орынға ие болды. «Тарих» секциясына үш оқушымыз қатысып, үшеуі де ІІІ дәрежелі диплолмдармен марапатталды. Жұмағали Адина мен жетекшісі Оралбаева Күнсұлу Керимбайовна «Қазақ хандығы. Керей мен Жәнібек» тақырыбында, 6-сынып оқушысы Ералы Бақтылы мен жетекшісі Ажибаева Ұлжан Батырханқызы «Қазақтың ырым, тыйым сөздері – ұлттық тәрбие көзі», ал Серикбаева Мөлдір мен жетекшісі Демеуова Лаура Жумабековна «Қазақтың ырым, тыйым сөздері» тақырыбында өз жобаларын ұсынды. Мектептің намысын қорғап, ғылым жолына бет бұрған мектебіміздің жас ғалымдарына , жетекшілері мен ата-аналарына мектеп директоры Рахимберлина Дидар Алимовна өз алғысын білдіріп, ғылым жолында биік белестерді бағындыра берулеріне тілектес екендігін айтты.