«Жас маман-2022» байқауы

2022 жылдың 23 сәуір күні М.Мақатаев атындағы №74 мектеп-гимназиясында «Жас маман-2022» байқауы болып өтті.

Байқау мақсаты- жас ұстаздардың біліктілігін, жан-жақты өз кәсібінің шебері екендігін сынау арқылы, оларды іскерлікке, мәдениеттілікке, өз кәсібіне үлкен жауапкершілікпен қарауға бар күш жігерін жұмсауға баулу.

«Жас маман-2022» байқауының І кезеңі ашық сабақ және портфолио жинақтау бойынша 24 жас маманнан іріктеліп шыққан 10 жас маман бүгінгі 2-кезеңде өз білімдерін, өз өнерлерін ортаға салды.

Бұл ІІ кезең 4 бөлімнен тұрды:

1) Таныстыру кезеңі. «Өзге емес, өзім айтам өз жайымда»

2) Өнер көрсету кезеңі. «Өнерлі өрге жүзер»

3) Макет жасап, оны өмірлік мақсатымен байланыстырып айта білу кезеңі. «Білікті маман – ел тірегі».

4) «Мамандығым – мақтанышым». Ситуациялық сұрақтарға ұтымды жауап айту.

Әр кезең бойынша 10 жас маман сынға түсіп, өздерін «сегіз қырлы, бір сырлы» екендіктерін көрсете білді. Байқау соңында әділқазы мүшелерінің шешімімен

ағылшын тілі пәнінің мұғалімі Секенова Динара Бауыржановна, бастауыш сынып мұғалімі Ерматқызы Назерке, ағылшын тілі пәні мұғалімі Жанбуршина Камила Уалихановна, орыс тілі пәні мұғалімі Ерланова Мадина Ерлановна дипломдармен марапатталса, 3-орынмен екі жас маман биология пәні мұғалімі Ельтезеров Сүндет Ерболатұлы және ағылшын тілі пәні мұғалімі Ахметов Ақжол Ахметұлы, 2-орындармен екі жас маман информатика пәні мұғалімі Қазанбай Рания Мейірманқызы және дене шынықтыру пәні мұғалімі Хонысбай Хуатберді, 1-орынды Ахметов Ақжол Ахметұлы иеленді. «Жас маман-2022» байқауының Бас жүлдесін қазақ тілі мен әдебиеті пәні мұғалімі Қалдыбай Гүлім Нұрымқызы жеңіп алды.