Мерекелік шара «Медина» шоу- балет тобының әдемі биімен ашылды. Мектебіміздің директоры Култаева Лаззат Мухамбетқызы жиналған қауымды құттықтап,жаңа оқу жылына сәттілік тіледі. «Білім күніне » арналған салтанатты жиынымызға арнайы Нұр-Сұлтан қаласы бойынша Мәжіліс депутаты Смагулов Аскар Сайлаубекович , “ Астана Дарыны” директорының орынбасары Бейсенбаева Жанар Мәулетхановна, , Ардагерлер кеңесінің төрайымы Майра Әлімханқызы, Қамқоршылық кеңесінің төрағасы Асуханов Муса Исаевич және «Интернациональный» кентінің бас инспекторы Тукпатов Мадияр сынды қонақтар мен ардақты ата-аналарымыз қатысты. Қонақтарымыз барша білім алушылар мен мектеп табалдырығын аттағалы тұрған бүлдіршіндерімізге ақ батасын беріп, ақ жол тіледі. Жаңа оқу жылындағы құттықтаулардан кейін егемен елдің болашақ ұрпақтары, мектепке енді ғана қадам басқан бірінші сынып оқушылары жалықпай білім іздейтіндіктерін білдіріп, өлең шумақтарын оқыды. Мереке әсем әнмен жалғасын тапты. Жиын барысында алғашқы қоңырау үні сыңғырлап, барша оқушыларды алғашқы сабаққа шақырды.
