1 қыркүйек - білім күні!

Бүгін, 1 қыркүйек мектебімізде «Сәлем, саған мектебім!» атты білім күніне арналған салтанатты жиын өткізілді. Мерекелік іс-шара мектеп директоры Дюсенова Айман Жумагалиевнаның жиналған қауымды құттықтап, жаңа оқу жылына сәттілік тілеуінен басталды. Білім ордасы 1 сыныпқа 627 оқушы қабылдап, алғашқы қадамдарына сәт-сапар тіледі.Мерекелік іс-шарада 1 сынып оқушылары өз өнерлерін көрсетсе, мектеп түлектері бүлдіршіндерге «Білім» кілтін табыстады. Шара соңы ең маңызды, ең қымбат сәт алғашқы қоңырау соғу рәсімімен аяқталды. Сонымен қатар, барлық сыныптарда «Балалар» жылына арналған «Білімге ұмтылу, еңбексүйгіштік және патриотизм» атты бірыңғай сынып сағаттары өткізілді. Мақсаты: жаңа оқу жылының қарсаңында оқушыларға жағымды көңіл-күй сыйлап, оқушыларды отансүйгіштікке баулу,қоршаған ортаға оң көзқарас қалыптастыру.