Астана қаласының №5 гимназия оқушылары 21 қыркүйек күні Елордамыздың мемлекеттік архиві ұйымдастырған «Елорда – тәуелсіздік символы" атты көрмеге қатысты. Көрме екі тілде өткізілді. Мемлекеттік архив қызметкерлері оқушы балаларды еліміздің бас қаласының тарихымен таныстырып, қызықты да тартымды архивтік құжаттармен бөлісті. Бұл дәріс оқушы балаларға өте қатты ұнады. Дәріс соңында құжат негізінде айтылған мәліметтер бойынша викторина жүргізіліп, балалар бүгінгі алған білімдерін өте жақсы көрсете білді. Ерекше көзге түскен оқушыларды мемлекеттік архив қызметкерлері бағалы сыйлықтармен марапаттады.
Көрме соңында оқушы балалар архив қызметкерлеріне бүгінгі қызықты да тартымды дәрістері үшін ризашылықтарын білдірді.