Мектеп оқушыларын дұрыс жолға салатын, болашақта тәртіпті азамат болуына өз септігін тигізетін жандар — ол ата-ана, мұғалім және ювеналды полиция инспекторлары. Кәмелетке толмағандар арасындағы қылмыстың және құқықбұзушылықтың алдын алу және болдырмау аса жауапты мәселе болғандықтан, 2022-2023 оқу жылының 19-қыркүйегі күні Ғали Орманов атындағы №7 мектеп-гимназиясы кәмелет жасқа толмағандардын арасында құқық бұзушылықтың алдын алу және болдырмау мақсатында Астана қаласы Полиция департаменті Ювеналды полиция қызметкерлерімен кездесу ұйымдастырды. Профилактикалық іс-шараға Астана қаласының «Сарыарқа» АПБ ЖПҚБ ЮПБ УПН полиция капитаны Айтбек Эльмира Айтбекқызы, полиция майоры Аринов Құдайберген Серикович және “Право” қоғамдық фонды психологы Ермекқызы Камила, заң қызметкері Рамазан Асель Ерланқызы қатысты. Бұл кездесуде кәмелет жасқа толмағандардың арасында қылмыстың алдын — алу, құқық бұзушылықтың, нашақорлыққа, әлімжеттікке, суицидке жол бермеу, тұрмыстық зорлық-зомбылық профилактикасы бойынша әңгіме жүргізіліп, лекция оқылды.

Ювеналдық полиция инспекторлары оқушылармен күнделікті түсіндіру жұмыстарын жүргізуде. Жасөспірімдердің қауіпсіздігін қамтамасыз ету басты назарда.