Астана қаласы № 83 мектеп-гимназиясының 8, 9 – сынып оқушылары Қазақстан Республикасы Ішкі істер министрлігі Астана қаласы Полиция департаментінің Жедел бақылау орталығының (Астана қаласы Тәуелсіздік 1 мекенжайына) жұмысымен танысып қайтты. Жедел бақылау орталығында оқушыларға «102» - ге келіп түскен қоңырауларды, азаматтардан келіп түскен арыз шағымдарды және жедел деректерді қалай қабылдайтынын өз көздерімен көріп, осыған байланысты іс-шаралардың жүргізілу тәртібімен танысты. Сонымен қатар, Астана қаласының қауіпсіздігін қамтамасыз ету үшін орналасқан байнебақылау камераларының жұмысын және камералардың тәулік бойы жұмыс жасап тұрғанын көрді. Бейнебақылау камераларының көмегімен қылмыстардың алдын алуға және ашуға болатынын түсініп, тәртіпбұзушылыққа жол бермеу үшін тиісті шаралар қабылданғанына көз жеткізді.
