Бүгін 2023 жылдың 09 ақпан күні Әлкей Марғұлан атындағы №40 мектеп-лицейінде ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау мақсатында ақынның туған күніне орай қазақ тілі мен әдебиеті бірлестігінің ұйымдастыруымен "Мұқағали – мәңгілік ғұмыр" атты әдеби-сазды кеш болып өтті. Кеш «Балбырауын» күйімен бастау алып, Мұқағали Мақатаев туралы құнды деректерді баяндайтын бейнеролик көрсетілді. Кеште Мұқағали Мақатаевтың өлеңдері мен естеліктері жатқа айтылып, ақын өмірін бейнелейтін композиция көрсетіліп, жас балғын оқушылардың жүрекжарды туындылары оқылды. Кеш барысында ақынның «Туған күн», «Үш бақытым» әндері шырқалды. Кеш соңы музыка пәні мұғалімі Қайнар Қатпайдың орындауында Мұқағали Мақатаевтың "Сәби болғым келеді" әнімен аяқталды.
