Бүгін 2023 жылдың 25 сәуір күні мектебімізде «Экопатруль» және « Жас эколог» оқушыларының ұйымдастыруымен «Таза табиғат бізден басталады» атты мектепшілік экологиялық іс-шараларға белсене қатысқан оқушыларды марапаттау кеші өтті. Кештің басты мақсаты мектеп оқушыларына экологиялық іс-шаралар ұйымдастыру арқылы табиғатты қорғауға, құрметтеуге тәриелеу. Кеш аясында оқушыларымыз «Құстар біздің досымыз» акциясына белсене қатысып қанатты достарымызға ұя,жемсалғыш жасаған оқушыларымызды арнайы мектеп директорының алғыс хатымен, сондай ақ «Табиғатты аялау басты парызымыз» атты сурет салу байқауының жеңіпаздарын, «Мен табиғаттың бөлшегімін» бейнероликтер байқауы жеңмпаздарын сондай-ақ 8-10 сынып оқушылары арасында ұйымдастырылған «Таза табиғат» макулатура жинау байқауының жеңімпаздарын салтанатты түрде марапаттады. Сонымен қатар оқушылармен арнайы сұрақ-жауап ойыны ойнатылып , сұраққа дұрыс жауап берген оқушылар арнайы естелік сыйлықтармен марапатталды. Топ оқушылары жеңімпаз оқушылар құрметіне би билеп, әсем әндерін тарту етті. Табиғат адамзаттың қамқорлығына әрқашан зәру,сондықтан оны аялап қастерлеу барлығымыздың басты парызымыз!
