«Даналық мектебі» жобасы аясындағы мектебіміздің «Аталар мектебі» — ұрпақтар сабақтастығын нығайтуға, ата-аналардың позитивті мәдениетін қалыптастыруға бағытталған «Жаңбырменен жер көгерер, батаменен ел көгерер» тақырыбында тәрбиелік іс шара өтті. Іс-шарада жеті ата, шежіре, салт-дәстүр, тек пен бабалар ұғымы талқыланып, аталар жас ұрпаққа ақыл-кеңес береді. Сонымен қатар, ұлттық құндылықтарды сақтау мен оны болашақ ұрпаққа жеткізудің маңыздылығы жөнінде мазмұнды әңгімелер өрбіді. Аталар өз өмірлік тәжірибелерімен бөлісіп, жас ұрпаққа ақыл-кеңестерін айтып, бата берді. Іс-шара жас буынның ата-баба тарихына деген қызығушылығын арттырып, ұлттық сана-сезімін нығайтуға, рухани-адамгершілік құндылықтарды бойына сіңіруге зор ықпал етті. Тағылым сағат соңында қатысушылар аталарға алғыстарын білдіріп, тағылымды кездесуге рахметтерін білдірді.
ВИДЕО КӨРУ
