Мектебімізде жаңа Конституцияның мазмұнын кеңінен түсіндіруге арналған «Әділетті және Прогрессивті Қазақстанның Халықтық Конституциясы үшін!» жалпыұлттық коалициясы аясында ақпараттық- түсіндіру кездесуі өткізілді. Кездесуге «Аманат» партиясы мүшелері мен депутаттары Даримова Фарида Аманкельдиевна, Айткей Болатбек, Кульмагамбетова Жанаргүл Жұмабайқызы, Төлегенқызы Бахаргүл, Актайлакова Гульмира Нұрланқызы қатысып, түсіндірме жұмыстарын жүргізді. Іс-шараның негізгі мақсаты – жаңа Конституцияға енгізілген өзгерістер мен толықтырулар туралы жан-жақты ақпарат беру, олардың маңызын түсіндіру және конституциялық реформалардың ел дамуына қосатын үлесін талқылау, азаматтарды алдағы референдумға белсенді қатысуға, өз азаматтық ұстанымын білдіруге, саяси белсенді болуға шақыру болды.

Шара барысында жаңа Конституцияға енгізілген негізгі өзгерістер кеңінен қарастырылды. Атап айтқанда, азаматтардың құқықтары мен бостандықтарын қорғау тетіктерін күшейту, мемлекеттік басқару жүйесін жетілдіру, билік тармақтарының өкілеттіктерін нақтылау, заң үстемдігін қамтамасыз ету бағытындағы жаңашыл бастамалар түсіндірілді. Сонымен қатар, қоғам мен мемлекет арасындағы өзара жауапкершілікті арттыру, әділеттілік қағидаттарын нығайту, халықтың шешім қабылдау үдерісіне қатысу мүмкіндіктерін кеңейту мәселелері талқыланды. ВИДЕО КӨРУ

Чтобы оставлять комментарии авторизуйтесь